"Олимпик" иштирокидаги ўйин қолдирилди, "Пахтакор"нинг ўйини бошқа санага ўзгарди
02 май 13:37
Янгиликлар
"Олимпик" иштирокидаги ўйин қолдирилди, "Пахтакор"нинг ўйини бошқа санага ўзгарди
Эртага — 3 май куни жамоа U-23 Осиё Кубогининг финал учрашувида Японияга қарши саф тортади.
Мазкур беллашув олдидан Тимур Кападзе Суперлига 6-туридан ўрин олган "Динамо"га қарши беллашувни қолдиришни сўради. Терма жамоа аъзолари 4 май куни тонгда Тошкентга етиб келади. Лига термамизнинг эҳтимолий финалда тўп тепишини инобатга олиб, "Олимпик" иштирокидаги беллашувни турнинг энг сўнгги куни — 7 майга белгилаган эди. Шундай бўлса-да, мавжуд ҳолат инобатга олиниб, Лига Кападзенинг таклифини бу сафар ҳам қаноатлантиришга қарор қилди.
Шунингдек, 7 май кунги 1 та ўйин қолдирилганидан келиб чиқиб, ўша учрашув учун режалаштирилган техника билан "Пахтакор" – "Металлург" учрашуви ўтказилиши юзасидан келишилди. Яъни, "Пахтакор" иштирокидаги ўйин 6 май санасидан 7 майга кўчирилди.
Маълумот учун, Ўзбекистон U-23 терма жамоасининг Осиё Кубогига жўнаб кетиши олдидан Суперлига 5-туридан ўрин олган уч учрашув: "Насаф" – "Навбаҳор", "Нефтчи" – "Пахтакор", "Металлург" – "Олимпик" беллашувлари ҳам қолдирилганди. Эндиликда қолдирилган беллашувлар сони 4 тани ташкил этмоқда. Уларнинг қачон ўтказилиши кейинроқ маълум қилинади.
Ўхшаш янгиликлар
championat.asia
Навбатдаги "Олтин тўп" Левандовскига берилиши мумкин
Ҳакамлар "Насаф" ва "Навбаҳор" фойдасига пенальти белгиламади, "Андижон" эса синдирилдими? Суперлига 7-туридаги ҳакамлик таҳлили
АПЛ. МЮ "Ньюкасл"ни, "Челси" эса "Брайтон"ни мағлубиятга учратди (+турнир жадвали)
Максим Шацких "йил жанги"да кимга мухлислик қилади?
Фикрлар